Por E.P. | SANTIAGO DE COMPOSTELA | 29/12/2020 | Actualizada ás 14:32
Ao mediodía deste martes quedou restablecida a circulación ferroviaria afectada por un descarrilamento ocorrido na noite deste luns no municipio coruñés de Oza-Cesuras. Así, segundo informa Adif, a circulación da liña León-Coruña, entre Oza-Cesuras e Betanzos, quedou restablecida, aínda que cunha limitación temporal da velocidade no punto do descarrilamento.
Un vagón de tren que cubría a liña entre A Coruña e Lugo sufriu a pasada noite un descarrilamento con 17 viaxeiros a bordo, á parte do maquinista e o interventor, aínda que ningunha persoa sufriu feridas. Segundo Adif, o suceso produciuse a consecuencia dun desprendemento de terras sobre a vía, á altura do termo municipal coruñés de Oza-Cesuras.
A consecuencia do incidente, os viaxeiros foron trasladados por estrada, pero o vagón descarrilado quedou na vía á espera de ser retirado e a circulación ferroviaria permaneceu cortada ata que este mediodía a zona quedou despexada. Como consecuencia deste corte da vía ferroviaria, durante mañá deste martes resultaron afectados dous trens, cuxos viaxeiros, ao redor de cinco persoas, foron trasbordadas por estrada.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.