O Gaiás volve a comprar tomos de El Correo

A Cidade da Cultura adxudica a dedo 72.000 euros en exemplares a Editorial Compostela, a quen xa lle mercara 175.000 en tomos en 2011. Ningunha outra editorial recibe este trato.

Por Galicia Confidencial | Compostela | 09/07/2013 | Actualizada ás 08:00

A Fundación Cidade da Cultura acaba de destinar 72.000 euros máis IVE á compra de " de fondos históricos procedentes da hemeroteca histórica da Editorial Compostela SA para a Biblioteca de Galicia". Son "412 tomos de El Correo Gallego do 01.08.1878 ao 31.12.1987", segundo figura no prego do concurso ao que tivo acceso GC.

A Xunta tramitou este contrato pola vía urxente e negociada sen publicidade. Este procedemento é legal e só pode utilizarse en casos de urxencia, para pequenas cantidades ou cando, como neste caso, só hai unha empresa que poda prestar o servizo. Loxicamente, só Editorial Compostela pode subministrar tomos de El Correo Gallego.

A Consellería de Cultura garda silencio

A cuestión é que a Consellería de Cultura xa adicara en 2011 175.000 euros para a "adquisición de fondos históricos procedentes da hemeroteca da Editorial Compostela". E dicir, para o mesmo que agora gasta outros 72.000 euros.

GC consultou aos voceiros da Consellería porque o Goberno só mercaba volumes de El Correo e non de outras editoriais de xornais e porque se investía dúas veces nalgo que aparentemente é o mesmo. O Goberno Galego non respondeu até hoxe á consulta deste xornal.

A Cidade da Cultura leva anos sendo o foco dunha guerra mediática. Atacada pola maioría dos medios polo malgasto na faraónica obra, o Gaiás ten en El Correo Gallego, o diario máis popular en Santiago, o seu principal valedor na prensa.

3 Alecrín

Noticia moi mal documentada. Os fondos que se adquiriron con anterioridade a editorial compostela non eran tomos de "El Correo Gallego" senón de "La noche" e fondos fotográficos.

2 lebón

Eso de que so mercan El Correo Gallego non é así. A CdC, como a Biblioteca Nacional de España, como a Biblioteca de Cataluña e moitas outras tentan facerse con coleccións históricas de prensa. A CdC mercou os xornais de El Ideal Gallego, desde 1917 en que se fundou, até 1945 (creo), mercou tamén unha parte da hemeroteca de La Región e moitas outras ¿Mellor que merquen so unha parte, e que o resto o merque a USC, a RAG, etc.? Suponse que se mercan pouco a pouco un xornal é para telo completo e non facer peregrinar aos que o queren consultar por distintos centros ¿Mellor conservar en Galicia a nosa prensa ou non mercala e permitir que a merque, como pasaba hai non tantos anos, unha universidade ou fundacion americana? Non todo vale.

1 Avecilla

La CdC le compró a El Ideal Gallego toda la colección completita hace unos diez años por 240.000 euros

2 lebón

Toda la colección en absoluto. Si consultas el catálogo de la Biblioteca de Galicia accesible a través de internet, verás que le compraron la colección desde 1917 hasta 1977. Se supone que intentarán comprarle más ¿Se va a montar otro escandalito? No todo vale.

3 Alecrín

A partir dos anos 80 xa non necesita comprar nada pois os fondos xa entraron por depósito legal -a pesar de que mentras a Biblioteca de Galicia non tivo sede física depositáronse na USC.

4 lebón

Alecrín, mucho me temo que no fue hasta los 90 que los fondos entraron por depósito legal. La primera norma que reguló el depósito legal en nuestra región fue el D. 36/1991 de 1 de febrero; y la segunda la Orden de 13 de febrero de 1992 que lo desarrolló.

5 Alecrín

Graciñas pola aclaración Lebón. Tiña entendido que xa nos anos 80 o CSBG realizaba de facto as tarefas de recolección do depósito legal que atinxía a Galicia.