Cando Feijóo dicía que o toque de queda era demoledor e agora ve razoable que sexa ás 18.00 horas

Volve descartar o confinamento para Galicia, pero cre que o Goberno "ten que atender" ás demandas doutras CCAA.

Por Europa Press / Redacción | Compostela | 15/01/2021 | Actualizada ás 13:36

Comparte esta noticia

O presidente da Xunta, Alberto Núñez Feijóo, considera "razoable" que o decreto do estado de alarma en vigor permita ás comunidades autónomas estender máis aínda o toque de queda, mesmo ata as 18,00 como o acaba de facer Francia, e decretar confinamentos "polo menos municipais". Unha afirmación que contrasta co que dicía cando o Goberno comezou a apuntar a posibilidade do toque de queda. Entón o presidente galego dicía que iso era "demoledor e alarmista" e "ía contra a reputación de España".

Así o manifestou o mandatario galego a preguntas dos medios nunha comparecencia conxunta co ministro de Agricultura, Pesca e Alimentación, Luís Planas, durante a cal valorou que o Goberno central "ten que atender" ás demandas das autonomías, que son as que están "a padecer e xestionando" a pandemia do coronavirus.

Neste sentido, o presidente da Xunta reiterou que o decreto do estado de alarma debe "facultar" ás comunidades a adoptar maiores restricións: "Se algún presidente o solicita, será porque ten argumentos epidemiolóxicos para facelo". Sobre o toque de queda, que en Galicia desde este venres situarase ás 22,00 horas, Feijóo explicou que o decreto do estado de alarma aprobado nas Cortes xerais "non posibilita moito máis" --sitúa o xeneral ás 23,00 e permite adiantalo ata as 22,00 ou atrasalo ata medianoite--.

A continuación, fixo referencia a que en Francia se acaba de anticipar ás 18,00 da tarde, algo que "non lle parece que sexa un disparate" como posibilidade para as comunidades autónomas. "Paréceme que debe haber unha previsión para calquera eventualidade", manifestou.

CONFINAMENTOS "PARCIAIS"

Iso si, sobre os confinamentos domiciliarios, Feijóo defendeu que "de momento" a Xunta non o solicita porque entende "que non é imprescindible", aínda que si cre que o decreto do estado de alarma debe prever a posibilidade de confinamentos "parciais, municipais ou provinciais, no seu caso". Con todo, descartou que se impoña esta medida de maneira xeral á poboación española: "Son palabras maiores e debemos de tentar non facelo".

O presidente da Xunta, Alberto Núñez Feijóo / Xunta de Galicia. / Europa Press
O presidente da Xunta, Alberto Núñez Feijóo / Xunta de Galicia. / Europa Press

ACORDO BREXIT

Por outra banda, o ministro Planas reivindicou este venres que a negociación do acordo do Brexit foi "complexa" e "dura", na que tentou "limitar a afectación" á "presenza" da frota española, e por tanto galega, nas augas británicas.

Así, admitiu que o sector está "preocupado" polo seu presente e o seu futuro tras o acordo ratificado a finais de decembro, pero cualificou de "moi significativo" o feito de que se eliminaron aranceis no tráfico de mercadorías entre a Unión Europea e o Reino Unido.

Con todo, Feijóo non dubidou en tachar de "preocupante" o pacto do Brexit e en resaltar a "boa negociación" realizada polos británicos: "A pesca foi a última parte do divorcio e cando se deixa algo para o final é porque unha parte ten moito interese niso"

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

2 Rebelde

Este ano non hai gripe, e moitas das outras enfermidades baixan, o truco é convertir todo en covid, con test dúbidosos, para ir quitando a Libertade, e facelos seus negocios coma sempre.

1 Ailalelo

Ti de rebelde nada;pasm.., outras enfermidades morren na casa por saturación das ucis e por medo a ir a urxencias, liberdade? Deixa de manchar esa palabra CONSPIRANOICO, ante unha afirmación extraordinaria requìrense probas extraordinarias

2 gzYT

Tódolos anos saturanse as ucis pola gripe, ninguén que pense un pouco cre esta fraude.

1 Gamela

Mal de moitos, EPIDEMIA ! Levamos case un ano baixo estado de alarma, e se facemos caso dos números que nos contan, a epidemia campa ás súas anchas por todo o territorio sen complexos... A atención primaria segue igual ca sempre, e as noticias falan da Hostelería (?) Se lembrades o Prestige imos ter que saír á rúa a limpar o chapapote do VIRUS ! Pero iso como se fai ? Baldear con auga e lixivia ? Afectaría ao medio ambiente ? Existe algún científico na sala que poda dar consellos simples á poboación para limpar o VIRUS ? Porque escoitar a esta tropa xa é por demáis... ABURREN ÁS VACAS !!!