O mosteiro de San Pedro de Vilanova de Dozón someterase a un proxecto de restauración e limpeza
A Xunta conta cun investimento de 160.000 euros para acometer estes traballos.
Por E.P. | PONTEVEDRA | 16/01/2021 | Actualizada ás 18:03
O Conselleiro de Cultura, Román Rodríguez, visitou este sábado o mosteiro de San Pedro de Vilanova de Dozón, na provincia de Pontevedra, onde anunciou que a Xunta levará a cabo un proxecto de restauración cun investimento de 160.000 euros.
Durante a súa visita, o titular de Cultura explicou que a achega do Goberno autonómico permitirá resolver os problemas de humidade que afectan o inmoble, especialmente ás zonas sur e norte, onde é preciso revisar as últimas drenaxes.
Así mesmo, tamén está prevista a limpeza das fachadas, prestando especial coidado aos elementos escultóricos romanos. Dentro deste proxecto tamén se inclúe a revisión de beirados e tellas da cuberta, así como a substitución dos elementos interiores e da carpintaría exterior que estean en mal estado.
Román Rodríguez incidiu na necesidade de levar a cabo estes traballos, despois de que a última actuación de conservación, centrada na mellora do tellado e da fachada exterior, se levase a cabo en 2004.
Os traballos impulsados pola Xunta permitirán poñer en valor esta igrexa románica fundada no século XII e da que destaca a impoñente imaxe cistercense que mostra o interior do templo.
