O alcalde de Pontevedra critica que as novas restricións para frear a pandemia "chegan tarde"
Miguel Anxo Fernández Lores censura a "xestión errática" da Xunta .
Por E.P. | Pontevedra | 25/01/2021 | Actualizada ás 20:24
O alcalde de Pontevedra, Miguel Anxo Fernández Lores (BNG), lamentou que as novas restricións acordadas este luns "chegan tarde", tras "moitos titubeos e bandazos". "Espero que cheguen a tempo para evitar males maiores", trasladou.
Lores censurou a "xestión errática" da Xunta e subliñou que é "o estado de colapso" nos hospitais o que obriga a tomar estas medidas.
Ao tempo, lamentou que se usase como "escusa" non "empeorar" a economía, cando "está demostrado que a situación económica empeora canto máis se tarde en actuar".
Finalmente, ratificou que as restricións deben ir acompañadas de "axudas" para os sectores máis afectados na súa actividade --entre as medidas acordadas este luns está o peche da hostalaría--.
