Seguen as multas pola covid: sancionados 247 persoas en 785 controis

A Garda Civil e a Policía Nacional realizaron na xornada do luns, 1 de febreiro, en Galicia un total de 785 dispositivos de seguridade que alcanzaron a 10.885 persoas e 7.910 vehículos e para os que se mobilizou a un total de 1.117 efectivos. En total, sumaron 247 propostas de sanción na Comunidade, segundo informa a Delegación do Goberno.

Nas últimas 24 horas, a Garda Civil efectuou en Galicia 696 controis nos que participaron 907 axentes, identificáronse a 8.905 persoas, controláronse 6.567 vehículos e interpuxéronse 186 propostas de sanción.

Pola súa banda, a Policía Nacional levou a cabo 89 dispositivos de vixilancia nos que participaron 270 axentes. Nestes operativos procedeuse á identificación de 1.980 persoas e ao control de 1.343 vehículos. En total, expuxo 61 propostas de sanción.

A Delegación do Goberno lembra á cidadanía "que é necesario actuar con cautela no cumprimento das medidas aprobadas para frear a expansión da Covid-19 e seguir as indicacións facilitadas polas Forzas e Corpos de Seguridade do Estado".

Varios axentes de Policía Nacional dan o alto a un vehículo nun control de mobilidade na parroquia do Castiñeiriño (Santiago de Compostela), na entrada e saída Santiago cara a Ourense, Galicia (España), a 3 de novembro de 2020.. Álvaro Ballesteros - Europa Press | Fonte: Europa Press