Por Jessica Fernández | SANTIAGO DE COMPOSTELA | 10/02/2021 | Actualizada ás 20:00
O Colexio Profesional de Xornalistas (CPXG) convoca, en colaboración con Gadis, o Premio de Xornalismo 'Somos Esenciais', para reivindicar o labor das e dos profesionais da comunicación durante a pandemia en 2020.
O certame recoñecerá o traballo xornalístico máis salientábel dende o punto de vista informativo e de servizo público, pola súa rigorosidade, deontoloxía e como salvagarda do dereito á información e á liberdade de prensa.
O prazo de presentación de candidaturas está aberto ata as 14:00 horas do martes 6 de abril, puidendo presentarse todos os e as xornalistas e fotoxornalistas que publicaran ou emitiran traballos sobre a Covid-19 e a pandemia en Galicia durante o 2020. O premio será de 1.500 euros para o gañador ou gañadora e un diploma acreditativo.
XURADO
O xurado estará composto por Francisco X. González Sarria, decano do CPXG; Darío Janeiro Pereira, secretario do CPXG; Xosé Ramón Pousa Estévez, decano da Facultade de Ciencias da Comunicación da Universidade de Santiago de Compostela; Belén Regueira Leal, vicedecana segunda do CPXG, Iria Rodríguez Martínez, responsábel de Relacións Públicas e Responsabilidade Social Corporativa do Grupo Gadisa; Pablo Santiago Martínez, membro da Xunta Directiva de AGARESO; e Cristina de la Vega Jiménez, xefa de Comunicacions e Relacions Institucionais da Area Sanitaria A Coruña-Cee e representante da Asociación Nacional de Informadores de Saúde.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.