Por E.P. | A CORUÑA | 25/02/2021 | Actualizada ás 12:56
A área de Cultura da Deputación da Coruña convoca este ano catro premios para o recoñecemento de obras en distintas disciplinas artísticas, segundo informa.
Nesta edición dos premios culturais, inclúense no catálogo de certames culturais da institución o Luís Ksado de creación fotográfica, o Castelao de banda deseñada, Jesús Núñez de Arte Gráfica e o Certame de Arte Isaac Díaz Pardo.
Os catro premios estarán dotados con 6.500 euros e o prazo para presentar obra iniciarase cando saia a data no Boletín Oficial da Provincia. A mesma prolongarase ata o 30 de abril no caso dos premios Castelao, Ksado e Díaz Pardo e será do 1 xuño ao 30 xullo para o Jesús Núñez.
"As convocatorias responden á vontade de apoiar a creación cultural, en todo o abanico de posibilidades que existe", sinala o deputado responsable da área de Cultura, Xurxo Couto.
Ademais, lembra que, xunto aos artísticos, nesta edición de premios convócanse os literarios Raíña Lupa de Literatura Infantil e Xuvenil, o Rafael Dieste de textos teatrais, o Murguía de ensaio e os de narrativa en galego e español Torrente Ballester, entre outros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.