Aviso amarelo entre Ferrol e Ortegal para este sábado por forte vento no mar

A zona litoral entre Ferrol e Ortegal verase afectada este sábado, 27 de febreiro, por fortes ventos, segundo informa Meteogalicia.

Esta alerta no mar estará activa entre as 9,00 horas e a medianoite do sábado. O domingo tamén se esperan fortes ventos na mesma zona.

Así mesmo, Meteogalicia explica que a chegada de po sahariano continuará en próximos días, unha masa de aire cálido que explica a elevada temperatura diúrna destes días.

Forte ondada | Fonte: Europa Press