Podemos insta o Goberno a decretar o peche cautelar da planta de Ence en Pontevedra

Gómez-Reino anima a Fiscalía a investigar o estado da factoría ante "posibles afeccións sanitarias e ambientais".

Por E.P. | Santiago de Compostela | 03/03/2021 | Actualizada ás 19:11

Comparte esta noticia

Unidas Podemos instou o Goberno central, do que forma parte, a decretar o peche cautelar da actividade da planta de Ence na ría de Pontevedra ata que "unha inspección independente" comprobe o estado das instalacións.

O deputado de Galicia en Común, Antón Gómez-Reino
O deputado de Galicia en Común, Antón Gómez-Reino | Fonte: E. Parra. POOL - Europa Press.

O portavoz de Galicia En Común, Antón Gómez-Reino, tamén anima á Fiscalía a actuar de oficio e abra unha investigación que determine "posibles afeccións sanitarias e ambientais" sobre o persoal da factoría e a contorna.

Ao fío da difusión dunhas declaracións do conselleiro delegado de Ence, Ignacio Colmenares, nas que falaba dun posible "susto" ambiental en Lourizán, o deputado e secretario xeral de Podemos Galicia demanda que desde o Estado "se despexen" as dúbidas sobre o estado da planta a través dunha inspección independente.

Gómez-Reino incidiu en que Ence "foi repetidamente condenada por delitos e irregularidades ambientais" coa "descarada complicidade" da Xunta, á que acusa de non exercer as súas competencias no relativo á factoría pontevedresa.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta