A Xunta estuda "caso por caso" os casos positivos en residencias que xa recibiran a vacina
No centro Santa Mariña de Xinzo de Limia hai un gromo con sete casos activos de persoas que xa recibiran as dúas doses
Por Europa Press / Redacción | SANTIAGO DE COMPOSTELA | 06/03/2021 | Actualizada ás 16:12
A conselleira de Política Social, Fabiola García asegurou que a Cosnellería de Sanidade esta avaliando a situación tras os positivos detectados nalgunha residencia en persoas que foran vacinadas, para comprobar o efecto da vacina nestes maiores.
A residencia Santa Mariña de Xinzo de Limia (Ourense), en concreto, mantén suspendidas as visitas por un gromo detectado con sete positivos entre os usuarios, dos cales unha persoa está hospitalizada e seis illadas no centro, que xa recibiran as dúas doses da vacina fronte a este coronavirus.
García referiuse a iso este sábado a preguntas dos medios, onde asegurou que se están estudando "caso a caso" e reivindicou de novo o "éxito" da campaña de vacinación contra a covid-19 en todos os centros residenciais de Galicia.
