Sen variacións no brote da residencia de Silleda, con 33 usuarios contaxiados
Deste xeito, a residencia Coviastec é nestes momentos a que ten un maior número de casos en Galicia.
Por Europa Press / Redacción | SANTIAGO DE COMPOSTELA | 14/03/2021 | Actualizada ás 11:48
O brote de coronavirus detectado na residencia de maiores Coviastec de Silleda non presentou variacións no último día, cando os usuarios contaxiados, que foran vacinados, mantivéronse en 33.
Segundo recolle o boletín diario actualizado este domingo polas consellerías de Sanidade e Política Social, un total de 48 usuarios de residencias de maiores están infectados, un menos que o día anterior. Así, retirouse do cómputo un residente do Fogar Residencial Xardín Castro Lareira de Salceda de Caselas tras ter negativizado.
Deste xeito, a residencia Coviastec de Silleda, na que se detectou un brote de COVID-19 esta semana, mantense como a que suma un maior número de casos entre os seus usuarios, 33.
Ademais, a residencia Santa Mariña de Xinzo de Limia contabiliza 10 usuarios contaxiados. Tamén hai tres residentes do centro A miña Casa de Ferrol infectados e outros dous positivos na residencia DomusVi Laraxe de Cabanas.
Así mesmo, un total de dous traballadores de residencias de maiores permanecen contaxiados, un deles correspondente ao centro Coviastec de Silleda e outro que exerce o seu labor no de Caranza. Pola súa banda, os centros de discapacidade non presentan ningún caso entre os seus usuarios nin entre os seus traballadores.
