Galicia segue por baixo da media estatal en vacinación a pesar dos anuncios da Xunta

Galicia administrou 498.870 das 622.665 recibidas, o que supón o 80,1% do total sobre as entregadas, unha porcentaxe que se sitúa seis puntos por baixo da media estatal.

Así o informa o Ministerio de Sanidade este xoves, con datos actualizados a 31 de marzo. Das 622.665 vacinas entregadas á comunidade autónoma galega, 427.165 corresponden a Pfizer, outras 73.600 a Moderna e 121.900 a Astrazeneca.

Por outra banda, o número de persoas coa pauta completa ascende a 162.397, 7.869 máis respecto da xornada anterior, segundo informa Sanidade. As comunidades autónomas administraron ata este xoves un total de 8.342.160 doses das vacinas contra a Covid-19 de Pfizer-BioNTech, Moderna e AstraZeneca, 306.995 delas nas últimas 24 horas. Isto representa o 86,1% das entregadas en España, que ascenden a 9.589.995 unidades.

Ademais, un total de 2.797.015 persoas recibiron xa a segunda dose a partir da cal se empeza a xerar inmunidade, 75.931 máis que o mércores. Isto supón o 33,5 por cento do total das doses administradas.

Unha sanitaria vacina a un home maior de 80 anos coa dose de Pfizer no ambulatorio Virxe Peregrina, en Pontevedra. Beatriz Ciscar - Europa Press | Fonte: Europa Press