Intervidas dúas potentes lanchas preparadas para o narcotráfico en Ribeira

A Policía Nacional continúa coa investigación en relación a dúas lanchas preparadas para o narcotráfico intervidas na localidade coruñesa de Ribeira e non descarta detencións.

Así o confirmaron a Europa Press fontes policiais, que aseguraron que "seguen investigado" e ata o momento non se practicaron arrestos. Foron axentes da Policía Nacional adscritos á Comisaría de Ribeira os que se incautaron nunha nave desta localidade coruñesa de dúas lanchas preparadas para o seu uso en operacións de narcotráfico.

Segundo informou a Policía Nacional, unha das lanchas tiña instalados "dous potentes motores", e á outra, de 15 metros de eslora, podíanselle axustar ata catro motores.

A nave na que se acharon as embarcacións dispuña de servizo de vixilancia e atopábase situada "estratexicamente", destacan as mesmas fontes policiais, e dispuña mesmo "dunha rampla con acceso directo á Ría de Arousa", engadiron. Así mesmo, puntualizou a Policía Nacional, no marco deste operativo por delitos contra a saúde pública foi intervida unha carretilla elevadora para o manexo das embarcacións.

Lancha preparada para o narcotráfico intervida pola Policía Nacional en Ribeira / Policía Nacional. / Europa Press