Coñece cales son as mulleres galegas con maior influencia no Estado

Un día antes de que a Universidade de Vigo celebrara o talento feminino no eido tecnolóxico tiña lugar, no Estado, un dos grandes recoñecementos ao papel das mulleres como persoas influíntes en moitas das esferas do día a día. A clasificación ‘Top 100 Mulleres Líderes en España’ celebrou este mércores a súa novena edición nunha gala marcada polo híbrido-virtual e que deixou a Galicia en bo posto.

A ministra de Traballo e Economía Social, Yolanda Díaz, sorrí á súa chegada á comparecencia no Congreso dos Deputados na Comisión para a Reconstrución Social e Económica días despois da volta da patronal ao diálogo social e á negoc. Eduardo Parra - Europa Press - Arquivo

A clasificación, que, en palabras da súa fundadora, “busca e atopa o talento feminino en cada recuncho de España”, destacan nomes tan coñecidos como a chef e empresaria Samantha Vallejo Nágera; a actriz e directora de cinema Leticia Dolera; ou a presidenta da Comunidad de Madrid, Isabel Díaz Ayuso. 

Entre elas, catro galegas foron recoñecidas entre as Top 100 Mulleres Líderes en España: a Ministra de Traballo e Economía social, Yolanda Díaz; a Vicepresidenta Segunda, Nadia Calviño; a CEO de Grupo Leite Río, Carmen Lence; e a xefa de desenvolvemento portuario e comercial na Autoridade Portuaria A Coruña, Irene Souto. 

Ademais, por primeira vez e fóra de concurso, foron recoñecidas 10 españolas que se desempeñan con éxito no exterior. De 42 postulantes, resultaron finalistas tres galegas: Ana José Varela, directora financeira da OCDE; María Begoña Vila, enxeñeira xefe no centro espacial Goddard da NASA; e Verónica Boquete, futbolista no Milán Club. 

Este ranking leva un pormenorizado proceso de candidaturas e avaliación. De feito, nesta edición alcanzouse unha marca de participación, no que se superaron os 32.000 votantes, os 75.000 votos en total, e os 150.000 visitantes únicos na web da entidade durante o período aberto de votacións. Do milleiro de postulantes na fase inicial, un total de 521 aplicaron finalmente nesta edición como candidatas tras un cribado previo.