Denuncian que a moratoria do eucalipto é, en realidade, unha regulación de todas estas plantacións ilegais

"Ecoloxistas en Acción" asegura que a Lei de Terras Agrarias permite que a meirande parte dos polígonos forestais poidan seguir plantando eucalipto sen ningunha limitación definida.

Por Galicia Confidencial | Compostela | 25/05/2021 | Actualizada ás 12:44

Comparte esta noticia

A Lei de Terras Agrarias, recén publicada, recolle na súa novena disposición transitoria as emendas do Partido Popular que articulan a "moratoria do eucalipto" anunciada polo goberno galego, hai escasos meses, cando se promulgou o novo Plan Forestal Galego. A confederación formada por máis de 300 grupos ecoloxistas, Ecoloxistas en Acción, denuncia que esta disposición transitoria, lonxe de ser unha moratoria, en realidade é unha regulación de todas as plantacións ilegais de eucalipto cometidas ate agora polas empresas madereiras.

Sinalan que a lei en vez de prohibir máis plantacións permite repoboacións de eucalipto "previstas en instrumentos de ordenación ou xestión forestal que fosen aprobados pola Administración forestal antes da entrada en vigor desta disposición, ou nos citados instrumentos cando a súa solicitude de aprobación se atopase en tramitación con anterioridade á entrada en vigor desta disposición". Deste xeito a meirande parte dos polígonos forestais poden seguir plantando eucalipto sen ninguna limitación definida por lei.

Ademais, alertan desde a organización ecoloxista, cando o eucalipto sexa a especie dominante, ben como masa pura ou mixta, segundo esta lei permítese replantar en igual número os especímenes que sexan tallados por cortas ou reforestar con eucalipto os montes que quedaran rasos por mor de incendios, vendavais, pragas, enfermidades ou outros motivos.

Sinalan que a disposición transitoria incluida na lei polo Partido Popular legaliza as futuras plantacións de eucaliptos, xa que o anuncio anticipado das moratorias tivo un efecto avalancha para a plantación de eucalipto e as empresas madereiras asegurarse de que os seus polígonos agroforestais teñen a esta especie invasora como masa forestal dominante. Indican que, ademais destes meses de plantacións masivas de eucalipto, a lei concede 30 días para a execución de novas plantacións exentas da regulación aprobada.

Ecoloxistas en Acción denuncia que esta lei está "lonxe de ser un punto de inflexión ante o desastre ambiental e socioeconómico da praga do eucalipto en Galicia". Polo contrario, vén a legalizar as desfeitas pasadas da industria madereira e da cobertura a futuras sementeiras ou plantacións de eucalipto nos polígonos agroforestais.

Protesta de 'Ecoloxistas en Acción' diante da Xunta de Galicia. FONTE: Ecoloxistas en Acción.
Protesta de 'Ecoloxistas en Acción' diante da Xunta de Galicia. FONTE: Ecoloxistas en Acción.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 vecino

Esta gente quiere cambiar las plantaciones renovables por ¿plástico? ¿hormigón? ¿acero? ¿nylon? Está demostrado que la huella ambiental de los materiales renovables como la madera es mucho menor que sus alternativas fósiles