Evacuado en helicóptero ao CHUS un veciño de Lousame tras sufrir picaduras de velutina
O suceso tivo lugar a última hora da tarde deste mércores.
Por Europa Press / Redacción | SANTIAGO DE COMPOSTELA | 27/05/2021 | Actualizada ás 10:06
Un veciño do municipio coruñés de Lousame foi trasladado na tarde deste pasado martes en helicóptero ao Complexo Hospitalario Universitario de Santiago (CHUS) tras sufrir a picadura de avespas velutinas.
Segundo os datos facilitados polo 112 Galicia, sobre as 19,00 horas deste martes a central de emerxencias recibiu comunicación dos servizos sanitarios polo traslado dun home con picaduras de velutina.
Os feitos sucederon no lugar de Seixido, na parroquia de Lousame, no municipio coruñés de Lousame, ata onde se desprazou o helicóptero medicalizado con base en Santiago. Ademais, para prestar apoio aéreo á aeronave foron mobilizados a Garda Civil e o GES de Noia e Protección Civil da localidade, indicaron as mesmas fontes.
