Cromos para fomentar o fútbol da Costa da Morte

O xornal colaborador, QPC, acaba de anunciar unha interesante iniciativa; un álbum de cromos de fútbol da Costa da Morte para promocionar este deporte na comarca e, de paso, buscar novas vías de financiamento. 

A Gala de Presentación desta iniciativa terá lugar o sábado 30 de novembro, ás 21:00h, no Auditorio de Santa Comba, e será presentada por Mónica Martínez, veciña de Zas, e ex presentadora do Telexornal Deportes da TVG. Este acto tamén contará coa presencia de personalidades relacionadas co deporte da comarca e contará cun invitado moi especial: David Vidal, o mítico adestrador galego.

A partir do domingo 1 de decembro, os cromos de todos os xogadores dos equipos da Costa da Morte estarán en 40 puntos de venda, dende Carballo ata a Serra de Outes. Toda a información sobre o Álbum de Cromos en: www.quepasanacosta.com/album.