Galicia quere ser a capital da xestión do litoral

A conselleira de Medio Ambiente e Cambio Climático, Ángeles Vázquez, anunciou este mércores que Galicia organizará este ano un foro con todas as comunidades costeiras de España co obxectivo de compartir sinerxías e experiencias sobre a xestión do litoral.

O encontro, que terá lugar despois de que a Xunta asuma a ordenación da costa o próximo 1 de xullo, sumarase ao cume previsto en setembro cos 86 concellos galegos do litoral. Así o destacou este mércores a conselleira durante a inauguración do I Xornada internacional de economía azul e ordenación do espazo litoral de Galicia, organizada pola Universidade de Santiago de Compostela (USC) e o Consello Económico e Social (CES).

Neste sentido, destacou que as xornadas buscan "aproveitar os coñecementos e as capacidades" das distintas administracións e entidades na xestión da liña de costa. Vázquez, que impartiu o relatorio 'A Administración galega ante vos desafíos que presenta a ordenación do litoral de Galicia', agradeceu á USC e ao CES que organizasen este evento e animounos a unirse ao Pacto galego polo litoral promovido.

Este pacto busca facer partícipes ás forzas políticas, ao sector produtivo, ao ámbito académico e á sociedade galega en xeral dunha iniciativa que pretende consolidar á comunidade como referente europeo no ámbito da gobernación costeira. A este instrumento engádese o Foro do Litoral, que será un "órgano colexiado clave" de asesoramento e consulta en materia de ordenación no que participarán distintas administracións, universidades, organismos científicos, organizacións dos sectores produtivos, asociacións ambientais e outras vinculadas coa defensa e protección do patrimonio cultural da comunidade.