Pipper, un popular can "influencer", visita Ourense e Lugo en busca de recursos turísticos que admitan mascotas

Durante estes días mostra aos seus 100.000 seguidores en redes sociais plans para facer con cans na Ribeira Sacra, Allariz e na costa de Lugo.

Por Galicia Confidencial | SANTIAGO DE COMPOSTELA | 21/06/2021 | Actualizada ás 13:54

Comparte esta noticia

Pipper, o can infuencer máis popular de España, que se fixo coñecido ao converterse no primeiro can turista que dá a volta a España para promover a integración das mascotas en transportes, hostalaría, atraccións turísticas etc. visita estes días A Ribeira Sacra, Allariz e Barreiros. Neles explora que poden facer as familias que viaxan con mascota para contarllo aos 100.000 seguidores que ten en www.pipperontour.com e nas súas redes sociais.

O can Pipper en Allariz - Cedida
O can Pipper en Allariz - Cedida

Na Ribeira Sacra xa visitou as bodegas que adminten turistas con mascotas educadas, recorreu varios templos e entrou no Ecomuseo de Arxeriz. Tamén foi a varios restaruantes que aceptan cans de compañía.

Ata mañá estará en Allariz para protagonizar unha reportaxe promocional dirixido a turistas con mascotas e o mércores e o xoves disfrutará dunha das praias caninas que hai en Lugo, Punta Corveira, en Barreiros. Pipper xa visitou Galicia fai tres anos cando foi ás Rías Baixas, Santiago de Compostela e á Costa da Morte.

Dende o 2018 este popular can recorreu cerca de 50.000 kilómetros promocionado o turismo con mascotas en todas as comunidades autónomas xunto co seu dono, o xornalista Pablo Muñoz Gabilondo. Entre as función de Pipper figura a divulgación das nomas de acceso de mascotas na hostalaría, xa que moitos hosteleiros descoñecen que a decisión de aceptar a mascotas lles corresponde a eles. Tamén avalía as dificultades que teñen as persoas con mascotas no seu día a día e cóntao no seu blog.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta