A patronal galega traslada ao CES as súas propostas para mellorar a cogobernanza

Na reunión mantida tamén abordaron a Memoria Socieconómica de Galicia.

Por Europa Press / Redacción | SANTIAGO DE COMPOSTELA | 19/07/2021 | Actualizada ás 21:21

Comparte esta noticia

O presidente da Confederación de Empresarios de Galicia (CEG), Juan Manuel Vieites, trasladou ao presidente do Consello Económico e Social (CES) de Galicia, Agustín Hernández, as propostas da patronal para mellorar a cogobernanza.

Nunha reunión mantida en Santiago de Compostela e da que informou a CEG nun comunicado, o presidente dos empresarios galegos trasladou esta proposta orientadas a mellorar a cogobernanza e, no que respecta á confección dos seus informes de forma xeral.

Ademais, tamén abordou co presidente do CES o referido á Memoria Socioeconómica de Galicia, "dada a importancia das consideracións que nela se recollen" e ao considerar que "debe ser un instrumento de alcance, útil e representativo do sentir das organizacións integrantes".

O CES-Galicia é un órgano consultivo da Xunta de Galicia en materia socioeconómica no que a CEG sinala que participa de forma activa para a elaboración dos seus ditames, memorias e informes, así como tamén nas súas actividades de difusión.

"Este órgano consultivo é patrimonio de todas as organizacións que o integran e a Confederación de Empresarios de Galicia seguirá colaborando con el co mesmo espírito construtivo co que o veu facendo ata a data", destaca a patronal galega.

O presidente da CEG e secretario xeral de Anfaco-Cecopesca e vicepresidente da CEP, Juan Manuel Vieites Baptista de Sousa
O presidente da CEG e secretario xeral de Anfaco-Cecopesca e vicepresidente da CEP, Juan Manuel Vieites Baptista de Sousa | Fonte: Carlos Castro - Europa Press.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta