Por Europa Press / Redacción | A Coruña | 30/07/2021 | Actualizada ás 17:04
A subdelegada do Goberno na Coruña, María Rivas, explicou que a Policía Nacional "segue realizando o seu traballo, como veu facendo ata agora" para pechar a investigación sobre a malleira que a noite do pasado 3 de xullo acabou coa vida de Samuel Luiz, de 24 anos.
Rivas lembrou que o caso continúa baixo segredo de sumario e que os axentes que participan na investigación continúan co visionado e a análise das imaxes que gravaron diferentes cámaras de seguridade da zona, a avenida de Buenos Aires da cidade herculina.
"Está a revisarse toda a información da que dispomos", engadiu. Ata a data, seis persoas foron detidas pola agresión que causou a morte de Luiz. Dous dos arrestados son menores de idade e unha moza quedou en liberdade coa obriga de comparecencias no xulgado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.