Baixan a 112 os casos en residencias de maiores tras nove negativos en Pontevedra e Betanzos
Con respecto aos centros de discapacidade, o número de total de usuarios contaxiados mantense en 51.
Por E.P. | SANTIAGO DE COMPOSTELA | 27/08/2021 | Actualizada ás 13:35
Os casos en residencias de maiores baixaron ata os 112 positivos tras negativizarse dúas infeccións no centro Someray de Pontevedra, e sete no Irmáns García de Betanzos. Ademais, non se rexistrou ningún positivo nas últimas 24 horas.
Tal e como informou o Sergas, o total de casos activos en residencias complétase con 72 infeccións no centro das Gándaras (Lugo), 20 na residencia García Irmáns de Betanzos, catro na de Santa Marta de Vigo e 11 na RM e Apt. San Vitorio de Baralla.
Ademais, aínda queda un caso activo na residencia DomusVi Matogrande (A Coruña), na Santo Estebo de Perlío (Fene), outro na de Ribadeo, un máis na residencia de Val de Monterrei e outro na Someray de Pontevedra.
CENTROS DE DISCAPACIDADE
Con respecto aos centros de discapacidade, o número de total de usuarios contaxiados mantense en 51, con 48 usuarios contaxiados no Centro de Atención a Persoas con Discapacidade (CAPD) de Chapela-Redondela, e outro tres usuarios no Fogar e Clínica San Rafael de Vigo.
