Extinguido o incendio forestal declarado no Xurés

O incendio forestal iniciado no concello ourensán de Lobios, no parque natural do Xurés, declarouse extinto ao redor das 17,30 horas deste domingo, segundo informou a Consellería de Medio Rural.

O lume, rexistrado na parroquia de Manín, iniciouse ás 14,58 horas e, segundo as primeiras estimacións do departamento da Xunta, afectou a unha superficie provisional inferior a unha hectárea no Parque Natural Baixa Limia-Serra do Xurés.

Polo momento, no seu control participaron un axente, dúas brigadas e un helicóptero.

Incendio en Lobios | Fonte: BRIL Laza Twitter