Por Europa Press / Redacción | SANTIAGO DE COMPOSTELA | 11/09/2021 | Actualizada ás 11:00
O Concello do Carballiño convocou unha concentración este sábado, 11 de setembro, para expresar "a consternación e repulsa polo grave suceso de violencia acontecido" neste municipio, onde unha menor sufriu unha suposta agresión por parte doutro menor.
A Garda Civil investiga se o adolescente co que se atopaba a menor encerrouna na vivenda, así como se lle golpeou cunha barra de ferro atopada na mesma, antes de que a moza se precipitase dun edificio do Carballiño.
Esta situación tivo lugar sobre as 19,50 horas do xoves, cando o propio menor contactou co 112 Galicia para trasladar que "acababa de matar á súa amiga" porque "quería saber o que sentía", segundo o relato de fontes da investigación que tratan de esclarecer os feitos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.