Sanción para máis de dez persoas por un botellón na contorna dun cemiterio de Vedra

Máis dunha decena de persoas foron sancionadas por participar de en un botellón celebrado hai unhas semanas na contorna dun cemiterio de Vedra.

A Garda Civil tivo que actuar hai unhas semanas no cemiterio de San Mamede de Ribadulla, pasadas as 04,30 horas, tras atoparse con máis dunha trintena de persoas reunidas na chaira.

Parte da comitiva botou a correr pero os axentes identificaron a máis dunha decena dos participantes, que serán sancionados por incumprir as limitacións e as restricións de reunións establecidas pola situación sanitaria.

Axentes da Garda Civil | Fonte: Ministerio do Interior.