Por E.P. | Santiago de Compostela | 20/09/2021 | Actualizada ás 19:47
A falta de docentes nas listaxes de substitutos está a provocar un esgotamento das listas en determinadas especialidades do sistema educativo galego.
O sindicato CIG detectou este problema en disciplinas como 'Francés' en educación primaria, 'Portugués' en secundaria ou 'Procesos de Produtos e Artes Gráficas' en formación profesional.
É por iso que a central nacionalista se dirixiu á Consellería de Cultura, Educación e Universidade para trasladarlle a necesidade de actualizar as diferentes listaxes en todas as especialidades con aquelas persoas que non superaron o proceso selectivo de acceso aos corpos docentes.
En concreto, a CIG insta á administración a adoptar medidas "inmediatamente" co fin de "evitar problemas de cobertura das substitucións", polo menos nas especialidades máis afectadas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.