Dous incidentes con candorcas en augas galegas en pouco máis de 24 horas
Un veleiro francés foi sufriu hoxe unha rotura no temón tras unha arremetida a 1,5 millas ao oeste da illa de Sálvora. O anterior ocorreu preto da Guarda.
Por Europa Press / Redacción | Santiago de Compostela | 01/10/2021 | Actualizada ás 17:01
Unha embarcación de Salvamento Marítimo remolcou este venres ata a localidade de Ribeira un veleiro francés por rotura no temón tras a acometida dunha candorca.
Segundo os datos facilitados por Salvamento Marítimo, ás 11,45 horas deste venres recibiu o aviso do veleiro 'Lle Sterne', de bandeira francesa con tres tripulantes, que contactou coa Costeira para solicitar asistencia por rotura no temón debido a acometida dunha candorca a 1,5 millas ao oeste da illa de Sálvora.
Por iso, foi mobilizada o 'Salvamar Sargadelos', que remolcou ao club náutico de Ribeira ao veleiro francés, onde chegou ás 14,23 horas deste venres, confirmaron as mesmas fontes.
Este é o segundo incidente en pouco máis de 24 horas despois de que o veleiro británico 'Extra Mile', con dous tripulantes a bordo, sufrise este xoves a acometida de candorcas a unhas cinco millas ao noroeste da Guarda.
Segundo informou Salvamento Marítimo, a embarcación británica sufriu a rotura do temón, polo que solicitou asistencia para ser remolcado ata a costa.
