Por E.P. | SANTIAGO DE COMPOSTELA | 15/10/2021 | Actualizada ás 13:49
O Fondo de Cooperación Local para o ano 2021 presenta un fondo adicional cunha dotación de 1,5 millóns de euros destinados na súa totalidade a municipios resultantes dun proceso de fusión e que se repartirán por criterio de antigüidade.
O Diario Oficial de Galicia publica este venres a orde pola que se regulan as condicións de participación para a repartición do devandito fondo adicional e que entrarán en vigor a partir deste sábado.
As achegas procedentes deste montante adicional terán carácter non finalista e poderán ser aplicadas polos concellos ao financiamento de programas de gasto de natureza produtiva ou xeradora de emprego, obras ou servizos, de persoal, gastos correntes en bens e servizos, amortización de débeda ou calquera outro acorde coas súas competencias.
O fondo adicional distribuído en función da súa antigüidade. Deste xeito, un 60% do importe irá destinado ás entidades locais fusionadas no cinco últimos anos e o 40% a aquelas que o fixeron entre o dez e o cinco últimos exercicios, a contar desde a publicación desta orde.
A Dirección Xeral de Administración Local comunicará á Dirección Xeral de Planificación e Orzamentos os concellos que participarán no Fondo de Cooperación Local por estes conceptos, no prazo de tres días desde este venres
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.