A vacinación antigripal ampliarase o luns a maiores de 65 anos e usuarios e traballadores de residencias

O Servizo Galego de Saúde (Sergas) ampliará o vindeiro luns, 25 de outubro, a vacinación antigripal a maiores de 65 anos de idade e usuarios e traballadores de residencias de persoas maiores e discapacidade, tras arrincar este día 18 co persoal sanitario. Así o manifestaron o conselleiro de Sanidade, Julio García Comesaña, e a directora xeral de Saúde Pública, Carmen Durán, para presentar a campaña e facer un chamamento á poboación diana a acudir a vacinarse contra a gripe.

Comesaña incidiu en que para a campaña de vacinación antigripal deste ano adquiríronse en Galicia 885.800 doses que serán dispensadas nos 900 puntos de vacinación habilitados entre o 18 de outubro e o 31 de decembro que se prolongará.

O titular de Sanidade lembrou que, ademais, será "secuencial", polo que se irá ampliando a poboación diana por grupos. Comesaña sinalou que con esta campaña o Sergas pretende "minimizar o impacto da gripe" na poboación, co obxectivo de alcanzar ese 75% de cobertura na poboación maior de 65 anos.

Como novidade reiterou que aos maiores de 80 anos coa administración da dose de reforzo da vacina contra a Covid-19, para a que se lles empezará a chamar o vindeiro luns, ofertaráselles a antigripal ao mesmo tempo.

No caso concreto da vacinación contra a gripe, a directora xeral de Saúde Pública incidiu en que Galicia destaca entre as comunidades "cunha das mellores coberturas" esta campaña, xa que o ano pasado nos maiores de 65 anos alcanzou un 71,66 por cento, fronte a un 66,7% da media de España.

Tras incidir en que Galicia se sitú "por enriba da porcentaxe de coberturas da media española" en grupos como as embarazadas tamén na campaña pasada, a doutora Durán explicou que este ano se administrarán tres tipos de vacina en función da idade da poboación.

Por unha banda administrarase a trivalente adyuvada de antíxenos de superficie inactivados ás persoas de 65 ou máis anos; outra de alta carga tetravalente para maiores de 60 institucionalizados en residencias, porque xera unha resposta inmune máis potente neste grupo de persoas cun maior risco de transmisión; e finalmente disporase a vacina tetravalente de virus fraccionados e inactivados, cuxa indicación empeza a partir do seis meses.

A partir deste luns comezou a administración das primeiras doses entre o persoal sanitario dos centros públicos e privados e ata o próximo mes de decembro, o Sergas conta con 885.800 dose para as que destinou un investimento de 5.259.157 euros.

A partir do día 25 de outubro vacinarase ás persoas de 65 anos ou máis anos, así como ás persoas institucionalizadas de maneira prolongada --residencia de maiores e discapacitados e traballadores deas estas institucións--.

Mentres, o 15 de novembro ampliarase a vacinación ás persoas de 60 a 64 anos; menores de 60 con patoloxías de risco; embarazadas e puerperio; prematuros de seis meses a dous anos; persoal de servizos esenciais; persoal de exposición laboral; e, ademais, o persoal das oficinas de farmacia. Desde o 29 de novembro as persoas a vacinar serán o resto da poboación diana e convivientes de persoas de risco.

Sobre a campaña, sinalou que as persoas que pertenzan á poboación diana da gripe, e teñan menos de 80 anos, poderán solicitar á súa cita de vacinación a través da web e as aplicacións do Sergas; no seu centro de saúde, ou mediante unha chamada telefónica.