O Culturgal, seleccionado como un dos tres mellores proxectos de acción e promoción cultural do Estado

A Dirección Xeral de Industrias Culturais, Propiedade Intelectual e Cooperación, dependente do Ministerio de Cultura, recoñece este xoves o tres proxectos seleccionados como os gañadores o pasado ano na liña de axuda á Acción e Promoción Cultural.

Entre eles, atópase Culturgal, a feira que desenvolverá a súa XIV edición do 26 ao 28 de novembro no Pazo da Cultura de Pontevedra.

A capacitación no mundo da animación, investigación levada a cabo pola Federación Española de Asociacións de Produtoras de Animación, e as Xornadas Internacionais de Patrimonio Industrial, celebradas en Xixón, comparten con Culturgal a elección ministerial.