Galicia segue á cola do Estado en marcadores sobre uso de Internet
A poboacióng alega usa menos a rede e ten menos usuarios que no conxunto do Estado.
Por Europa Press / Redacción | SANTIAGO DE COMPOSTELA | 15/11/2021 | Actualizada ás 11:51
O 90,2% dos galegos entre 16 e 74 anos usou Internet no últimos tres meses, a menor taxa no Estado, segundo a Enquisa sobre Equipamento e Uso de Tecnoloxías de Información e Comunicación nos Fogares, que publica este luns o Instituo Nacional de Estatística (INE).
Supón case catro puntos por baixo da media española, que alcanza o 93,9%. A maior taxa entre comunidades rexístrase en Madrid (95,9%).
Galicia tamén está á cola en usuarios habituais de Internet --polo menos cinco días á semana--, xa que se trata do 81,4% da poboación, de forma que só Estremadura está por baixo (81,1%). Aquí a media española é do 85,8%.
Pola súa banda, o 52,5% dos galegos comprou por Internet no últimos tres meses. Igualmente, é unha cifra menor que a media do país (55,2%).
