Por Europa Press / Redacción | SANTIAGO DE COMPOSTELA | 22/11/2021 | Actualizada ás 13:47
O vicepresidente económico e conselleiro de Economía, Empresa e Innovación, Francisco Conde, enxalzou o traballo da unidade de investigación posta marcha pola compañía Finsa en colaboración a Universidade de Santiago de Compostela (USC) para deseñar novos usos na construción en madeira.
O responsable económico do Executivo autonómico participou este luns en Lugo na presentación dos resultados desta unidade, creada no ano 2018 coa participación da Xunta a través da Axencia Galega da Industria Forestal (Xera).
"Este proxecto pon de manifesto que na utilización tanto de piñeiro como de eucalipto hai unha capacidade de desenvolvemento importante para que a industria forestal siga xerando valor a través destes procesos de construción", manifestou Conde.
O 'número tres' do Goberno galego puxo o foco en que este proxecto, centrado na investigación da economía circular e o uso "eficiente" da madeira, "pode contribuír non só ao reto da transición ecolóxica, senón tamén a dar valor engadido a toda a cadea monte-industria, potenciando, por exemplo, os novos usos da madeira".
"A través da innovación e a tecnoloxía podemos seguir situándonos na vangarda tecnolóxica e dar valor engadido a esta industria e aos nosos recursos naturais propios", incidiu Conde.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.