A alcaldesa da Coruña acusa á Xunta de non dar subvencións ao Concello por unha "decisión política"

A alcaldesa da Coruña, Inés Rey, asegurou que o Concello da Coruña non recibe subvencións por unha "decisión política" da Xunta de Galicia, que "deixa de lado" á cidade herculina.

Así o manifestou a preguntas dos medios sobre por que o Concello non presentara as contas ante o Consello de Contas dentro do prazo, que terminou o 15 de outubro, para recibir subvencións.

Rey aclarou que o Consistorio presentou as contas en distintos meses ao longo dos anos e instou a preguntar á Xunta "por que non inviste no Concello da Coruña".

A alcaldesa da Coruña, Inés Rey | Fonte: Concello da Coruña.