Por E.P. | A CORUÑA | 29/11/2021 | Actualizada ás 18:11
O vicepresidente e deputado de Plans Provinciais e Turismo da Deputación da Coruña, Xosé Regueira, presidiu este luns a reunión do consello de dirección do parque do megalitismo da Costa da Morte na que se aprobou a inclusión do Concello de Coristanco neste proxecto.
Xosé Regueira fixo unha valoración "moi positiva" da incorporación de Coristanco posto que leva "a incorporación de novos achados arqueolóxicos, como o dolmen do Chan das Embarradas, que contribúen a dar aínda máis valor ao conxunto do parque".
Na reunión, que tivo lugar na sede da Deputación da Coruña, participaron representantes, tanto alcaldes como concelleiros e concelleiras, dos dez concellos que ata este momento conformaban o proxecto: A Laracha, Cabana de Bergantiños, Carballo, Dumbría, Laxe, Malpica de Bergantiños, Mazaricos, Ponteceso, Vimianzo e Zas.
Ademais da inclusión de Coristanco, tamén se aprobou o estudo de sinalización para o conxunto de todos os bens patrimoniais e se abordou a planificación da compra dos 16 xacementos arqueolóxicos situados neste territorio.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.