Reciben unha queixa por ruídos e atopan a unha nai e a avoa ebrias con tres menores

Unha queixa veciñal por ruídos nunha vivenda da Coruña derivou na remisión dun informe a Fiscalía de Menores tras localizar a tres menores coa súa nai e a súa avoa ebrias.

Así o informa a Policía Local na súa conta de Twitter na que indica que recibiron a fin de semana, de madrugada, un aviso duns veciños por ruídos nunha casa, situada na zona de Agra do Orzán.

Desprazados ao lugar, localiaron a unha nai e a unha avoa ebrias e a tres menores ao seu cargo. Por este motivo, os axentes finalizaron a intervención cun informe xudicial a Fiscalía de Menores ante a posible situación de desamparo dos mesmos.

Imaxe de arquivo dun vehículo de policía local nunha rúa.. POLICÍA LOCAL