Máis de 1.100 persoas completaron a pauta da vacinación contra a Covid no último día
Galicia administra outras 25.400 doses da vacina contra a Covid-19 e alcanza o 86,5% de poboación inmunizada.
Por Europa Press / Redacción | SANTIAGO DE COMPOSTELA | 20/12/2021 | Actualizada ás 11:47
Galicia administra outras 25.400 doses da vacina contra a Covid-19 no marco do proceso de vacinación da súa poboación, que alcanza o 86,5 por cento do conxunto dos seus cidadáns inmunizados. Segundo os datos actualizados este luns pola Consellería de Sanidade no seu 'Cronómetro de vacinación' con respecto á xornada do domingo, recollidos por Europa Press, ata o momento administráronse 5.596.140 doses contra o coronavirus, 25.477 delas nas últimas 24 horas.
Desas 25.477 doses administradas, 1.107 foron destinadas para completar pautas, polo que ascenden a 2.336.134 as persoas con pauta completa, que supoñen o 86,52 por cento da poboación total de Galicia.
En canto á poboación infantil, ata o momento 121.030 menores de 15 anos --os datos publicados por Sanidade non diferencian os dous grupos etarios da campaña de vacinación pautada-- recibiron polo menos unha dose, 160 no último día.
En concreto, na franxa de 10 a 14 anos, hai 110.091 nenos desta franxa que teñen a primeira picada como mínimo --115 máis que hai un día--; mentres que entre os 5 e os 9 anos ascenden a 10.939 os vacinados.
A vacinación de nenos de 11 a 5 anos arrincou o pasado mércores, 15 de decembro, tras a chegada a Galicia das primeiras 60.000 dose para esta poboación.
GRUPOS
Por grupos de poboación por vulnerabilidade hai 18.026 cidadáns de alto risco coa pauta completa; 16.717 dependentes non institucionalizados e 27.584 institucionalizados. Polo seu lado, 2.139.253 terminaron o proceso chamados pola súa idade.
Por probabilidade de exposición, 74.247 profesionais do ámbito sanitario teñen pauta completa, 27.458 do sociosanitario, e 32.196 traballadores de actividades consideradas esenciais tamén a recibiron.
As áreas sanitarias continúan en Galicia coa administración da dose de reforzo a cidadáns do grupo de 50 a 59 anos e proseguen con repescas para persoas maiores de 60 anos. Ademais, mantense aberta a autocita para os que non se haxan inmunizado ata a data.
