O BNG reclama test de antíxenos "a prezos baixos"

O BNG reclama test de antíxenos para detectar a presenza do coronavirus "a prezos baixos", nun momento no que a posibilidade de adquirilos "ten que ser áxil e a un prezo accesible". O deputado nacionalista no Congreso Néstor Rego afirma que neste momento a detección de positivos é "imperativa", dada a evolución á alza dos contaxios.

Por iso, a formación propón regular o prezo das probas rápidas de autodiagnóstico que faciliten frear a sexta onda e a propagación da nova variante 'ómicron'. En concreto, reclama prezos "equiparables" aos que existen noutros países europeos e garantir un abastecemento "adecuado" nas farmacias.

O deputado do BNG no Congreso Néstor Rego. BNG | Fonte: Europa Press