Por E.P. | SANTIAGO DE COMPOSTELA | 27/12/2021 | Actualizada ás 10:57
A Consellería de Emprego e Igualdade publica no Diario Oficial de Galicia (DOG) a orde pola que se regula o réxime de subvencións ás organizacións sindicais e procédese á súa convocatoria para o ano 2022.
Serán axudas para a realización das funcións propias das organizacións sindicais e a promoción do funcionamento dos seus gabinetes técnicos, así como o apoio aos plans de formación de cadros e delegadas e delegados sindicais.
O importe global de ambas, informa a Consellería na publicación do Diario Oficial de Galicia, ascende a un total de 1.099.800 euros. As solicitudes, tramitación e concesión destas axudas axustaranse ao disposto na Lei 9/2007, de 13 de xuño, de subvencións de Galicia, no Decreto 11/2009, de 8 de xaneiro, e nesta orde.
O procedemento de concesión tramitarase en réxime de concorrencia non competitiva de conformidade co previsto no artigo 19.2 da Lei de subvencións de Galicia, axustándose a repartición aos criterios que se establecen nesta orde.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.