Premio Patrimonio á Fundación Catedral de Santiago de Compostela

A Fundación Catedral de Santiago de Compostela recollerá este martes o Premio Patrimonio que lle concedeu o Grupo de Cidades Patrimonio da Humanidade de España.

O acto de entrega terá lugar na propia basílica compostelá na tarde deste martes. Contará coa presenza do alcalde de Santiago, Xosé Sánchez Bugallo, o arcebispo de Santiago de Compostela e presidente da Fundación Catedral, Julián Barrio, e o presidente do Grupo Cidades Patrimonio da Humanidade, Antonio Rodríguez.