O Concello de Ourense conxela as taxas, os impostos e os prezos públicos para 2022
"Entendemos que é importante para aliviar a presión fiscal que vai directa aos petos dos cidadáns", dixo o alcalde, Pérez Jácome.
Por E.P. | SANTIAGO DE COMPOSTELA | 30/12/2021 | Actualizada ás 18:46
O goberno municipal do Concello de Ourense conxelará as taxas, impostos e prezos públicos municipais para o ano 2022, segundo confirmou o rexedor municipal, Gonzalo Pérez Jácome, trasladando que a decisión de que os diferentes tributos municipais non experimenten ningunha subida desde este mesmo sábado.
"É un orgullo poder dicir que todas as taxas municipais do ano 2021 se conxelan para 2022", sostivo Jácome explicando que non se incrementa o valor de ningunha "a diferenza doutras cidades galegas e españolas" que "aproveitaron" este mes de decembro para "actualizalas e incrementalas".
Neste sentido o alcalde informou que o Concello de Ourense toma esta decisión para "axudar os cidadáns aliviando a presión fiscal". "As taxas de 2021 serán as mesmas que en 2022". "Entendemos que é importante para aliviar a presión fiscal que vai directa aos petos dos cidadáns", dixo antes de apostilar que é "unha colaboración desde o concello desde onde facemos o máximo que se pode".
