Morre un mariñeiro de Marín tras sufrir un accidente nun porto en Senegal
O home podería ter caído entre dous barcos no porto de Dakar.
Por Europa Press / Redacción | VIGO | 11/01/2022 | Actualizada ás 10:48
Un mariñeiro da localidade pontevedresa de Marín faleceu o pasado luns tras sufrir un accidente no porto de Dakar (Senegal), segundo adiantou o medio dixital 'Carriola de Marín' e confirmaron fontes da empresa a Europa Press.
O home, Samuel Gil, de 50 anos de idade, levaba uns 30 anos traballando para o grupo Baltimar S.A. de Huelva. Na actualidade, era tripulante dun buque da compañía con sede en Senegal.
A empresa xa iniciou os trámites para á repatriación do corpo, polo que un dos xerentes da mesma desprazouse ata o país africano para esclarecer os feitos. As primeiras informacións apuntan a que o home podería ter caído entre dous barcos no porto. "Era un home que levaba toda a vida no grupo. Estamos moi preocupados", indicou a Europa Press outro dos xerentes desta compañía familiar.
