GC Aberto

As últimas ocurrencias do “Dr. Feijoo”

Por admin | GC ABERTO | 14/01/2022

Comparte esta noticia

Artigo de Opinión do Dr. Xosé M.ª Dios Diz, Médico especialista de AP de Outes, sobre as últimas ocurrencias do “Dr. Feijoo”.

Alberto Núñez Feijóo
Alberto Núñez Feijóo | Fonte: David Cabezón - Xunta de Galicia.

Ocurrencias (Dito ou feito gracioso e inxenioso que se lle ocurre a unha persoa. RAG).

Non se pode facer máis con menos (e o que dixo o contrario está no cárcere). Ca que está caendo da Pandemia, sumada aos recortes efectuados polo PP nos últimos 12 anos, fai que os orzamentos que se necesitan para unha atención sanitaria de calidade non se poda realizar.

No ano 2022 a realidade económica para a Sanidade Pública na Galiza, será máis do mesmo: menos orzamento que no 2021 (se contamos o IPC) e 72 millóns menos que no ano 2009, cando Feijoo chega o goberno da Xunta. Se a desculpa para non poñer os reforzos que se precisan en sanidade, é a “falta de Médicxs”, é unha falacia (ver o meu artigo dedicado a ese tema publicado en Nós). No MIR anual, preséntanse 13.000 licenciadxs e convocan 6.500 prazas. Médicxs hai e moi bxs: quedan 6.500 tódolos anos sen praza; o que non hai é a vontade política necesaria, e a inversión correspondente, para darlles traballo na Sanidade Púbica, e optan por marchar a servizos sanitarios que prestixen a profesión de Médicx e lles dea estabilidade e un salario digno, algo que na Galiza é imposible como se demostra que non

teñen profesionais para suplir xs que se ausentan dos consultorios.

As últimas "ocurrencias" do SERGAS, pasan por recuperar xs Médicxs xubiladxs, por inventar unha nova categoría profesional onde o/a Médicx traballa en AP e a maiores fara Gardas, suprimir dun plumazo a actividade de determinados cupos Médicxs e incluso servizos, sexan de PAC ou cupos de Centros de Saúde, bloquear axendas de Médicxs, aumentar a Burrocracia inútil para realizar informes e certificados que non valen para nada, e a última (ata que veña a seguinte ocurrencia) é de que como xs Médicxs de AP “non están saturadxs” fagan tamén agora de RASTREXADORXS, co cal as consultas se convirten nun maratón de cousas prescindibles e deixar de atender o que verdadeiramente é importante como a clínica do día a día.

Vemos que a capacidade de reacción da administración é moi escasa e sempre en contra de todxs (só co apoio do grupo do PP) e dende logo, non vai na dirección axeitada de levar a cabo as conclusións do Consello Técnico de AP, nas súas 15 Comisións Técnicas, creadas para facer un Novo Modelo de AP na Galiza. Teñen as conclusións dende novembro do 2020 e no caixón siguen.

O de pechar os 14 servizos en Vigo e no Baixo Miño, dende logo é unha REPRESALIA pola enorme mobilización realizada en A Garda, acto que se corresponde co malestar da xente, que xa non se cre as mentiras de Feijoo e está saíndo as rúas en moitas localidades de Galiza (chuvia fina que culminou, pero non terminou, ca masiva manifestación de Compostela).

A idea xeral das mobilizacións, é dicirlle a Feijoo que: ou dedica máis orzamento ó Sistema Sanitario Púbico, ou as secuelas que déixe esta falta de atención de calidade, serán únicamente responsabilidade súa. O que está sucedendo, é unha pena, pero ésta é a realidade...e cada día que pasa irá a peor!

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Moine

Um sector amplo dos galeg@s dam-lhe eleiçom trás eleiçom o voto a Frijol e ao PP. Tenhem o votado. Na vida só se chora num lugar, nos cemitérios; por todo o demais se é responsável