GC Aberto
Os Corsarios do Rey Carlos III
Se aínda cremos na obrigación de defender o mundo en que vivimos para deixarllo ás seguintes xeracións en condicións habitables, se o principio "o que contamina, paga" segue tendo algún valor, fagamos que estas leis fraudulentas desaparezan do mundo xurídico e saiban do carácter imprescriptible dos seus delitos e respondan coa totalidade dos seus bens e facendas (London P&I Club).
Por Gamela | GC ABERTO | 12/06/2025
Comparte esta noticia
Cando permitimos zarpar barcos que non cumpren os mínimos requisitos para unha navegación segura, e coñecemos o mecanismo polo cal perversos armadores contratan pólizas de seguro millonarias que lles permiten tramitar fletes marítimos sen oposición algunha grazas ao pago dunha prima de seguro que se converte en tácito permiso para provocar catástrofes ambientais e calquera tipo de traxedias humanas.
Afundimento do Prestige
| Fonte:
Aduana Francesa.
Cando as Aseguradoras asócianse nun Club Internacional que as blinda tras os Tribunais de Londres e fano precisamente porque estes Tribunais apelando á Lei Marítima Británica impide reclamacións de terceiros países ante esa mesma Corte.
É entón cando podemos afirmar con rotundidade que a Patente de Corso segue vixente na actualidade como o estivo no pasado.
Por estes motivos debemos condenar e condenamos ao Estado Británico que ampara Tribunais baixo Leis Marítimas de Excepción xerando impunidade ás reclamacións de Terceiros Estados e dando protección ás Agrupacións Empresariais do Seguro que propician un tráfico marítimo internacional en condicións de nula seguridade.
A última singradura do vello petroleiro Prestige iniciouse en San Petersburgo con destino a Xibraltar (desde onde probablemente sería dirixido a Singapur para o seu despezamento). Un forte temporal golpeou o buque abrindo unha vía de auga que terminou provocando o seu afundimento o 13 de novembro de 2002 fronte ás costas de Galicia. Esta chatarra flotante puido partir de San Petersburgo grazas a unha Póliza de Seguro cunha cobertura máxima de 1.000 Millóns de Dólares que só se pagarían tan só si previamente a Armadora afrontase o pago da totalidade das indemnizacións do sinistro. Só entón a Aseguradora Club P&I estaría "obrigada" a pagar a cantidade máxima asegurada por unha póliza que lle permitiu navegar ao Prestige cargado con 77.000 toneládas de fuel pesado.
A aseguradora, inicialmente, foi condenada a pagar 1.500 millóns de €uros, pero a Audiencia Provincial da Coruña fixou unha indemnización total de 2.500 millóns, sumando intereses, costas e gastos de execución. Con todo, o Estado español non logrou cobrar nin de lonxe estas cantidades ao atoparse coa resistencia da aseguradora e a xudicialización do caso diante dos Tribunais Británicos.
Claro que cicais fose posible outro resultado se o caso fose xulgado na Audiencia Nacional (que para algo está) e cunha maior experiencia en contenciosos internacionais e maior número de funcionarios ben cualificados cicais e só cicais levarían a bo porto esta reclamación de indemnización por contaminación das rías galegas, asturianas e cántabras. Pero isto nunca o saberemos.
España perde o seu recurso en Reino Unido para cobrar 855 millóns á Aseguradora London P&I Club pola marea negra do Prestige
A Aseguradora London P&I Club négase a pagar, 23 anos despois da brutal marea negra ocasionada polo Prestige en 2002.
Quen contrataría unha póliza de seguro con estas condicións? Só alguén que sabe que nunca pagará as indemnizacións en primeira instancia (Armadores) e tamén o sabe a última Aseguradora (Clúster P&I Club) que deste xeito xamais pagará polo importe máximo dos danos ocasinados a terceiros países.
Ninguén no seu xuízo contrataría unha póliza así, salvo se tivese a necesidade de que o seu petroleiro sen dobre casco, sen revisións de seguridade preceptivas, sen a inspección de enxeñeiros navais a bordo do buque que puidesen bloquear a súa navegación, partise coa súa carga letal de fuel pesado polo mundo para lograr uns beneficios polos que xa non pagará xamais imposto algún e que no caso de sinistro total por afundimento e contaminación de miles de quilómetros de costas non corresen máis risco que o de deixar embarrancado ao capitán e á tripulación sen amparo de ningún tipo. Agora pasados case 23 anos de xuízos e recursos terminan por quedar impunes do seu delito grazas ao concurso dos Tribunais de Londres.
Se aínda cremos na obrigación de defender o mundo en que vivimos para deixarllo ás seguintes xeracións en condicións habitables, se o principio "o que contamina, paga" segue tendo algún valor, fagamos que estas leis fraudulentas desaparezan do mundo xurídico e que quen as ampare e quen obteña beneficios extraordinarios con elas á conta da vida e a da Natureza que a todos nos sosten, paguen polo dano causado e saiban do carácter imprescriptible dos seus delitos e respondan coa totalidade dos seus bens e facendas (London P&I Club).
Mentres non dispoñamos dunha verdadeira lexislación universal para dirimir responsabilidade marítimas, fagamos que os cidadáns do Estado Pirata soporten a responsabilidade e paguen ata a última Libra Esterlina que deben polo dano causado ao planeta (que tamén é o seu) e abonen estas cantidades aos cidadáns de terceiros países que sufriron o dano da marea negra do Prestige e ademais (23 anos despois) padecemos esta fraude de lei diante dos seus Tribunais.
Cada cidadán británico que pretenda viaxar por España terá que achegar unha cantidade igual ou superior ao dobre da cantidade que se nos obriga a depositar aos demais (119 Dólares por 6 meses) Sexan entón 250 € por seis meses de turismo. Ata recadar os 1.000 millóns de dólares que se nos debe pola contaminación ocasionada polo Pretige. Nótese que só cobramos o importe da póliza non pagada do London P&I Club, pois o dano real causado segue valorado en 2.500 M€.
De momento baste con este aviso a navegantes. España non admitirá novas estafas consecuencia do mantemento de patentes de corso no século XXI.
O vello imperio británico tocou fondo e xa ninguén, nunca xamais, pagará as súas Débedas. Se non queren pagar que se queden a vivir á súa illa do tesouro e por España que non volvan, agás se queren visitar Xibraltar, destino do Prestige antes de afundir nas costas de Galicia.
Comparte esta noticia
¿Gústache esta noticia?
GC 2025
Séguenos
