Buscan unha muller desaparecida na zona do Faro de Mera
Por Europa Press / Redacción | Santiago de Compostela | 03/02/2022 | Actualizada ás 17:35
Salvamento Marítimo e Garda Civil coordinan o operativo de procura dunha muller desaparecida nos arredores do Faro de Mera, no concello de Oleiros, onde se despregaron dous helicópteros (por quendas) e varias embarcacións, así como vehículos para o rastrexo terrestre.
Segundo informou Salvamento Marítimo, participan na procura o helicóptero Helimer 401 e o Pesca 2 de Gardacostas de Galicia, que se turnan nos rastreos; así como a embarcación Salvamar Betelgeuse e outro barco da Cruz Vermella.
Por terra tamén se despregaron medios para a procura, nos que participan ademais o Servizo Municipal de Emerxencias e a Policía Local, segundo confirmou o Concello de Oleiros.
