As confrarías afíns á Xunta defenden a Pesca no seu conficto co sector mexilloeiro
O presidente das confrarías galegas di que "non vale a pena entrar nunha guerra onde non a hai".
Por Europa Press / Redacción | SANTIAGO DE COMPOSTELA | 08/02/2022 | Actualizada ás 14:36
A conselleira do Mar, Rosa Quintana, fixo un chamamento a "continuar co diálogo" para resolver o conflito aberto entre 'bateeiros' e 'percebeiros' polas zonas de extracción da mexila.
Así se expresou este martes despois de que o pasado venres un grupo de decenas de produtores de bateas increpase e acurralase á conselleira do mar nun acto en Vilaxoán, en Vilagarcía.
En declaracións en Santiago, onde mantivo un encontro cos presidentes das federacións provinciais de confrarías, Quintana explicou que se vai a "tentar retomar as mesas de traballo cos 'bateeiros" co fin de coñecer "cales son as dificultades nestes momentos á hora de conseguir a fazula para as súas bateas".
De tal forma, apela ao diálogo, "algo que nunca se descartou por parte desta Consellería nin por parte dos presidentes das federacións" desde que comezaron estas negociacións en 2020. Cre necesario "analizar todos os problemas e buscar unha solución".
ACABAR COA "GUERRA"
Pola súa banda, o presidente da Federación Galega de Confrarías, José Antonio Pérez Sieira, defendeu que "non vale a pena entrar nunha guerra onde non a hai". "Esa guerra non é para tanto como se está enganando á opinión pública", valora.
Nesta liña, coincide na "vía do diálogo", xa que "non hai por que formar tal guerra". "Imos seguir chamando a que dialoguen connosco", dixo sobre os mexilloeiros. Pérez Sieira sostén que "si que están a facer as cousas ben por parte da Consellería e dos 'percebeiros". Avoga por "tentar chegar a un acordo" para: "Vivir nas pedras sen facernos danos uns a outros".
