AGAL celebra este domingo o Día do Orgulho Lusista e Reintegrata
A Asociación Galega da Língua (AGAL) celebra este domingo, día 25 de maio, o 'Día do Orgulho Lusista e Reintegrata', así como o 'Día da Toalha', con distintas actividades e unha homenaxe a Carvalho Calero en Santiago de Compostela.
Por Galicia Confidencial | Compostela | 25/05/2014 | Actualizada ás 11:00
Con motivo desta celebración, AGAL convidou aos usuarios de Internet a publicar nas redes sociais un autorretrato no que leven unha toalla e, se é posible, "algún fetiche lusófono" como un galo de Barcelos ou unha botella de viño do Porto. As palabras crave serán '#towelday', '#towelselfie', #diadatoalha e @ddooler2014.
Así mesmo, desde as 9,00 horas até 20,00 horas, animaron aos cidadáns a que se animen a acudir ás urnas electoral cunha toalla para exercer o seu dereito ao voto.
Ademais, ás 17,00 horas realizarán unha peregrinación polo último tramo do Camiño Portugués, desde a Porta Faxeira de Santiago até a Praza do Obradoiro, previo paso pola estatua en homenaxe a Ricardo Carvalho Calero, situada na rúa Xoán Carlos I.
Finalmente, Ás 19,00 horas o escritor e padriño desta edición 2014 do Día da Toalha ofrecerá un discurso na Praza do Obradoiro.
