A patronal do transporte reclama unha reunión "de inmediato" para dar cunha solución ao prezo do combustible
A patronal subliñou, de novo, a "imperiosa necesidade de adoptar medidas urxentes para reducir, como sexa, o actual estado de prezos do combustible". En opinión das empresas do sector, é imposible esperar ao 29 de marzo.
- Día 5 de paro no transporte: algúns gandeiros galegos verten o leite que non recollen os camións
- Empresarios galegos urxen medidas ao Goberno para frear a suba de prezos na enerxía detrás da folga de transporte
Por Europa Press / Redacción | MADRID | 18/03/2022 | Actualizada ás 20:40
O departamento de Mercadorías do Comité Nacional do Transporte por Carretera (CNTC), entidade que reúne co Goberno ás principais organizacións empresariais do sector, demandou que o Ministerio de Transportes "debe recibir de inmediato" ao organismo para atopar solución ao problema do combustible.
A patronal reuniuse de forma extraordinaria este venres ás 16.00 e concluíu que aínda que o decreto lei de axudas ao sector convalidado este xoves inclúe varios "logros", estes quedan "ocultos" pola alza do prezo do combustible.
A patronal subliñou, de novo, a "imperiosa necesidade de adoptar medidas urxentes para reducir, como sexa, o actual estado de prezos do combustible". En opinión das empresas do sector, é imposible esperar ao 29 de marzo.
Doutra banda, a patronal pediu ao Goberno que garanta o dereito ao traballo a aqueles que "libremente" decidiron non sumarse ao paro. "Non poden tolerarse determinadas actuacións violentas, nin a coacción ao libre exercicio da actividade, pondo en risco as vidas das persoas e os seus instrumentos de traballo", subliñou o CNTC.
"É imprescindible que se garanta que quen queira traballar, tantas e tantas persoas do noso sector, poida facelo sen verse sometido a vexacións, coaccións, ameazas nin bloqueos e, moito menos agresións ou sabotaxes", apostilou o vicepresidente executivo da Asociación do Transporte Internacional por Estrada (Astic), Ramón Valdivia.
