Por E.P. | SANTIAGO DE COMPOSTELA | 10/04/2022 | Actualizada ás 19:49
A Consellería de Sanidade participou no lanzamento do proxecto 'Tartaglia' para a creación dunha rede federada de intelixencia artificial co obxectivo de acelerar a investigación sanitaria.
A iniciativa, cun orzamento de máis de 7,5 millóns de euros, enmárcase no Programa Misións de I+D en Intelixencia Artificial, da Axenda España Dixital 2025 e da Estratexia Nacional de Intelixencia Artificial, financiado pola Unión Europea a través dos fondos Next Generation.
O obxectivo principal de 'Tartaglia' é facilitar e fomentar a investigación clínica e sanitaria. Neste sentido, segundo informou a Consellería nun comunicado, os datos clínicos das persoas son uns dos máis críticos e sensibles e o seu uso para a creación de modelos de Intelixencia Artificial está moi limitado polas restricións normativas, administrativas, de seguridade e privacidade.
Así mesmo, sinalaron que existen outros sectores como a banca, o turismo ou o transporte que xa se beneficiaron desta tecnoloxía, pero o maior impacto social e económico aseguran que sería no sector da Saúde.
Ademais do departamento de saúde galego, outras 16 entidades tamén participan neste proxecto. Entre elas, axencias e institutosasociados a hospitais, así como os servizos autonómicos de saúde de Canarias e A Rioxa.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.