O Concello de Santiago pagará os avogados dos seus cargos investigados na Operación Pokémon
Unha vez se arquivou parte da causa, Bugallo xustifica o gasto para que os representantes non "acaben arruinados", asegurou Bugallo. En conxunto, dedicaranse a estas expensas entre 200.000 e 300.000€ de fondos municipais.
Por Europa Press / Redacción | SANTIAGO DE COMPOSTELA | 11/04/2022 | Actualizada ás 15:03
O alcalde de Santiago de Compostela, Xosé Sánchez Bugallo, anunciou este luns a autorización de pagos a funcionarios municipais e cargos públicos para que fagan fronte ao pago dos seus defensas procesais como consecuencia do arquivo das causas derivadas da Operación Pokémon.
Na xunta de goberno celebrada durante a mañá deste luns, acordouse o pago de 29.705 euros para a representación procesual dun funcionario municipal, sendo este o segundo pago autorizado a un funcionario como consecuencia da instrución das causas derivadas da Operación Pokémon, que están a ser arquivadas. En canto aos cargos públicos, tres dos cinco concelleiros afectados xa solicitaron este pago.
Sánchez Bugallo confirmou que a cantidade dotada para estas "axudas" oscilará entre os 200.000 e os 300.000 euros, destinados aos cargos públicos e funcionarios municipais sometidos a investigación en virtude dos sumarios da Operación Pokémon. Como consecuencia das resolucións xudiciais na que as dilixencias a algúns dos investigados se arquivaron, o rexedor compostelán manifestou que "proceden ao abono dos gastos da defensa", sinalou Sánchez Bugallo.
O alcalde do concello compostelán recalcou a importancia destes pagos, subliñando que "cando un cargo público é imputado, se non se acredita ningunha actividade delituosa, a administración debe amparalo, pois se non a maioría acabarían arruinados".
